دمعة الفراق

Artists

Album Info

Release Date: 1975

Label: Atlassiphone

عار آلحباب عار
ما راعيتو عشرة، فين النية و عاهد الله
علاش هجرتو الدار
و أنا قلبي ولَّاف مسيكين جَّا ما نساه

عيش أقلبي محاينك و واجه المكتاب
علي و عليك بالصبر داروها لحباب
لاحونا ف ليالي حامية
كي دمعة لفراق
شوف، زرعنا الوفا و الصفا
و حصدنا لعذاب

كان نهاري ضحكة زاهية
جوهر و بلار
و ليلي كان مْوَاوْلْ تعوم ف ضو الأقمار
مالك وْليتي يا نهاري
شاحب ذْبلان و انت يا ليلي
أش هاد النار و الجمار
لاحونا ف ليالي حامية
كي دمعة لفراق
شوف زرعنا الوفا و الصفا
و حصدنا لعذاب
عار آلحباب عار

كلمات: علي الحداني ألحان: عبد الرفيق الشنڭيطي

More Pictures